Ալտամիրա
Վերադարձ| Մասնակցության տարեթիվ | 2017 |
| Ծրագիր | Հետահայաց ցուցադրություններ |
| Պրոդյուսեր(ներ) | Ալվարո Լոնգորիա, Լուկրեսիա Բոտին, Էնդի Փաթերսոն |
| Ռեժիսոր | Հյու Հադսոն |
| Սցենարի հեղինակ(ներ) | Խոսե Լուիս Լոպես-Լինարես, Օլիվիա Հեթրիդ |
| Օպերատոր | Խոսե Լուիս Ալկաինե |
| Նկարիչ | Ալեխանդրո Ֆեռնանդես, Բենյամին Ֆեռնանդես |
| Երաժշտությունը` | Մարկ Նոփֆլեր, Իվլին Գլենի |
| Հնչյունային ձևավորող` | Դանի Ֆոնտրոդոնա |
| Մոնտաժող` | Պիա Դի Չաուլա |
| Նկարահանվել են` | Անտոնիո Բանդերաս, Գոլշիֆթե Ֆարահանի, Ալլեգրա Ալեն, Կլեման Սիբոնի, Ռուփերթ Էվերեթ: |
| Արտադրող ընկերություն | Mare Nostrum Productions, El Maestro de Altamira, A.I.E., Fox International Productions |
Սինոփսիս
1879 թվական. կանաչ բլուրների, ձյունածածկ գագաթների և հյուսիսային Իսպանիայի տպավորիչ ափեզրի միջև 9-ամյա Մարիա Սաուտուոլան հոր`սիրող հնագետ Մարսելինոյի հետ բացառիկ բան է հայտնաբերում, մի բան, որ կփոխի մարդկության պատմությունը: Խոսքը վաղնջական քարանձավային արվեստի նմուշի մասին է. քառատրոփ սլացող բիզոնի արտակարգ թարմաշունչ ու կատարյալ պատկերներ: Սկզբում ամեն ինչ լավ է ընթանում, նույնիսկ թագավորն է ժամանում քարայրով հիանալու, բայց Մարիայի մայրը` գեղեցիկ ու բարեպաշտ Կոնչիտան, միակը չէ, ում խռովում է այն միտքը, թե նախապատմական շրջանի վայրենիները կարո՞ղ էին նման հոյակապ արվեստ ստեղծել: Կաթոլիկ եկեղեցին տասը հազար տարվա վաղմության հավակնող արվեստի նմուշը դիտարկում է որպես անաստված ռացիոնալիստների հարձակում աստվածաշնչյան ճշմարտության վրա: Զարմանալիորեն գիտնականները ևս դոգմատիկ ու հետադիմական վերաբերմունք են ցույց տալիս: Փաստերն ուսումնասիրելու փոխարեն նախապատմական շրջանի առաջատար մասնագետ Կարտայլակը կեղծ գտածոյի մեղադրանք է ներկայացնում Մարսելինոյին: Մարիայի հեքիաթային աշխարհը հետզհետե մթնում է, և հորն օգնելու նրա ճիգերը միայն վատթարացնում են վիճակը: Ընտանիքը հայտնվում է ճգնաժամի մեջ, իսկ քարանձավը կողպում են: Միմյանց հանդեպ ունեցած ամբողջ սերն է միայն ի զորու նրանց համար ճամնապարհ հարթել դեպի փրկություն և ճանաչում:
Դիզայն